Лявон Вольскі едзе ў тур па Беларусі – упершыню за 10 гадоў


Гурт Volski: Павел Трыпуць (гітара), Павел Мамонаў (бубны), Лявон Вольскі (вакал, гітара), Алесь-Францішак Мышкевіч (бас). Фота – Андрэй Давыдчык

«Гэта было так даўно, што проста не верыцца», – узгадвае Вольскі папярэднія айчынныя гастролі.

Гурт Volski апраўляецца ў тур па Беларусі. Паводле папярэдніх звестак, музыкі наведаюць сем гарадоў.

14 красавіка – Гомель
15 красавіка – Барысаў
21 красавіка – Віцебск
28 красавіка – Берасце
29 красавіка – Магілёў
5 траўня – Горадня
18 траўня – Бабруйск.

Спіс будзе дапаўняцца.

Вольскі выканае песні N.R.M., «Мроі» ды з альбомаў «Грамадазнаўства»і «Псіхасаматыка».

«У апошні раз я ездзіў у тур па Беларусі яшчэ з N.R.M. у 2008 годзе. Гэта было так даўно, што проста не верыцца, – узгадвае Лявон Вольскі. – Будзем рады бачыць усіх. Праграма ў туры будзе бескампрамісна электрычная і энергічная».

У верасні 2017 Volski сабраў аншлаг у менскім Prime Hall.

Днямі першы за доўгі час тур па Беларусі таксама абвесціў Зміцер Вайцюшкевіч. Ён выступіць у Віцебску (10 сакавіка), Барысаве (18 сакавіка), Астраўцы (5 красавіка), Гомлі (20 траўня).

ДД

Глядзі таксама
Каментары