Ля амбасады Беларусі ў Кіеве пратэставалі супраць затрыманняў у Менску


Пратэст у Кіеве. Фота: "Белсат"

У Кіеве 26 сакавіка каля беларускай амбасады адбыўся пратэст супраць затрыманняў у Дзень Волі ў Менску.

Пратэст у Кіеве. Фота: “Белсат”

Арганізатарамі акцыі выступілі Беларускі цэнтр ва Украіне «Сябры» і Рух салідарнасці «Разам».

Пратэст у Кіеве. Фота: “Белсат”

Мітынгоўцы трымалі ў руках беларускія бел-чырвона-белыя сцягі і чырвона-чорныя сцягі Украінскай паўстанцкай арміі, а таксама плакаты з патрабаваннямі свабоды беларускім палітвязням і імёнамі затрыманых – Алены Талстой, Дзяніса Урбановіча, Змітра Дашкевіча, Ніны Багінскай і Наталлі Басалыгі.

Пратэст у Кіеве. Фота: “Белсат”

Нагадаем, што 24-25 сакавіка ў Беларусі былі затрыманыя каля 15 чалавек. Сярод затрыманых былі палітыкі Зміцер Дашкевіч, Мікалай Казлоў, Віталь Рымашэўскі, музыкі Лявон Вольскі, Ігар Варашкевіч, Зміцер Вайцюшкевіч, Павел Аракелян, грамадскія актывісты. Большасць з іх былі неўзабаве вызваленыя. Змітра Дашкевіча 26 сакавіка аштрафавалі.

Пратэст у Кіеве. Фота: “Белсат”

МГ belsat.eu, фота “Белсат”

Глядзі таксама
Каментары