Стасункі Беларусі і Казахстану заўсёды будуць прыязнымі і добрымі. Пра гэта заявіў кіраўнік Беларусі Аляксандр Лукашэнка падчас сустрэчы з прэзідэнтам Казахстана Касым-Жамартам Такаевым. Месцам правядзення сустрэчы стала рэзідэнцыя «Акорды», паведамляе прэсавая служба Аляксандра Лукашэнкі.
«Што датычыцца нашых стасункаў, яны заўсёды будуць прыязнымі, заўсёды будуць добрымі, і я ніколькі не сумняюся, што мы зможам і дадаць у нашых ўзаемінах», – падкрэсліў кіраўнік беларускай дзяржавы.
Аляксандр Лукашэнка адзначыў, што нядаўна прымаў пасла Казахстана ў Беларусі і наўпрост яму сказаў пра канкрэтныя сур’ёзныя кірункі, па якіх бакі могуць рухацца наперад у развіцці супрацы.
Аляксандр Лукашэнка цяпер з працоўным візітам у Казахстане, дзе 29 траўня прыме ўдзел у пасяджэнні Вышэйшага Еўразійскага эканамічнага савету.
СК belsat.eu
