Прэзідэнт Расеі Уладзімір Пуцін прыняў запрашэнне наведаць цырымонію закрыцця II Еўрапейскіх гульняў. Гэта стала вядома па выніках тэлефоннай размовы Аляксандра Лукашэнкі з Пуціным, паведамляе прэс-служба кіраўніка Беларусі.
«Прэзідэнты коратка абмеркавалі двухбаковы парадак дня. Аляксандр Лукашэнка запрасіў свайго калегу прыняць удзел у цырымоніі закрыцця II Еўрапейскіх гульняў. Уладзімір Пуцін запрашэнне прыняў», – адзначылі ў прэс-службе.
Цікава, што сайце Крамля інфармацыі пра размову Лукашэнкі і Пуціна пакуль няма.
Нагадаем, на адкрыцці Еўрапейскіх гульняў ад Расеі прысутнічаў прэм’ер-міністр Дзмітрый Мядзведзеў і кіраўнік Чачэніі Рамзан Кадыраў.
ІІ belsat.eu