Кіраўнік краіны прапануе перагледзіць школьную праграму, пасля аналізу якой Аляксандр Лукашэнка заўважыў, што ў нашых школах, на вывучэнне расейскай і англійскай моваў адводзіцца больш гадзін, чым на беларускую.
«Добра, на рускай мове мы практычна ўсе размаўляем. Але на беларускай мове, скажам шчыра, у побыце, ў хаце мы размаўляем менш. Так, можа быць, трэба ў школе на карысць беларускай мовы даць адну гадзіну, а не на карысць англійскай?», – цытуе словы Лукашэнкі belta.by.
Кіраўнік дзяржавы мае прэтэнзіі і да школьнай праграмы па літаратуры, у якую «з незразумелых прычын» уключаюцца тыя ці іншыя творы.
ЮВ, belsat.eu
