Лукашэнка упершыню пракаментаваў гібель 31-гадовага Рамана Бандарэнкі падчас сустрэчы з дзяржаўнымі і замежнымі журналістамі.
«Калі малады чалавек сыходзіць з жыцця – гэта кепска», – адзначыў Лукашэнка.
Ён заявіў, што даручыў учора старшыні Следчага камітэту расследаваць гэтую справу «сумленна і аб’ектыўна».
«А сёння раніцай (паколькі ўсе ж міліцыю пачалі вінавацяць) я пазваніў генеральнаму пракурору і сказаў: вазьміце пад сурʼёзны кантроль гэтае расследаванне», – сказаў ён.
Нагадаем, 31-гадовы менчук быў збіты людзьмі ў цывільным, занесены ў бус і звезены ў невядомым напрамку ўвечары 11 лістапада. Апоўначы яго даставіла з Цэнтральнага РАУС у шпіталь хуткая дапамога без прытомнасці і з мноствам цяжкім траўмаў.
Медыкі аперыравалі Рамана, але выратаваць яго не ўдалося. Мужчына загінуў.
КА belsat.eu
