Лукашэнка ў сваёй праграме абяцае змены ў Канстытуцыі і рост заробкаў у два разы


Аляксандр Лукашэнка апублікаваў сваю перадвыбарчую праграму. Дакумент з’явіўся на сайце газеты «Звязда» пад назвай «Разам за Беларусь!».

Кіраўнік краіны Аляксандр Лукашэнка ў сваёй перадвыбарчай праграме, якую апублікавала выданне «Звязда» пад назвай «Разам за Беларусь», шчодра абяцае рост заробкаў. Паводле дакументу на працягу будучых пяці гадоў заробкі вырастуць у два разы. Але пры гэтым кіраўнік краіны абяцае, што не будзе шокавай тэрапіі, а чакаецца «ўдасканаленне таго, што створана». Акрамя іншага Лукашэнка анансуе рэферэндум аб зменах у Канстытуцыю. Прапаноўваецца вызначаць галоўным чынам паўнамоцтвы органаў дзяржаўнай улады.

Кіраўнік краіны абяцае ліквідаваць залежнасць краіны ў нафтагазавай, фінансавай і іншых сферах, ствараць «зялёную эканоміку», забяспечыць роўныя правы для прыватных і дзяржаўных кампаніяў.

Раней перадвыбарчую праграму агучыла Святлана Ціханоўская.

Hавiны
Святлана Ціханоўская апублікавала сваю праграму
2020.07.27 13:41

Ціханоўская канкрэтызуе, што яе галоўная мэта – правесці сапраўдныя сумленныя выбары з удзелам усіх альтэрнатыўных кандыдатаў.

  • Прэтэндэнтка на пасаду прэзідэнта таксама звярнулася да грамадзянаў Беларусі з заклікам ні ў якім выпадку не галасаваць датэрмінова і пераканаць у гэтым сваіх сябраў, суседзяў і знаёмых, а прыйсці на выбары менавіта 9 жніўня.
  • Таксама Святлана Ціханоўская заклікае стаць незалежнымі назіральнікамі на ўчастках і абараняць свой голас. Для гэтага створана шмат ініцыятываў, сярод якіх «Сумленныя людзі», «Права выбару», «Рух праўда», «Зубр» і іншыя.

Агулам яе праграма падзеленая на блокі, якія прысвечаныя працы судоў, барацьбе з карупцыяй, сектару ЖКГ, развіццю мясцовага самакіравання, вонкавай палітыкі, эканамічны блок.

Святлана Ціханоўская абяцае зладзіць рэформы ў галіне аховы здароўя, адукацыі, пенсійнай сістэмы.

Сяргей Чэрачань прапаноўвае ў сваёй праграме структурную рэформу эканомікі, стварэнне мясцовага самакіравання і развіццё нацыянальнай ідэнтычнасці. Андрэй Дзмітрыеў абяцае пераход да парламенцка-прэзідэнцкай рэспубліцы, абмежаванне тэрмінаў прэзідэнцтва і новыя выбары

Размова VoxPopuli
Якія Ціханоўская, Калеснікава і Цапкала за кадрам? Інтэрв’ю з фатографамі
2020.08.03 22:20

 

СК belsat.eu

Стужка навінаў