Лукашэнка ў чарговы раз заявіў, што «не будзе трымацца за ўладу пасінелымі пальцамі»
Падчас узгаднення рэктараў, якое адбылося 20 кастрычніка, Аляксандр Лукашэнка ў чарговы раз пракаментаваў сваю пазіцыю датычна ўлады, перадае БелТА.
Аляксандр Лукашэнка падкрэсліў, што ён баіцца за лёс за сваіх прыхільнікаў.
«Што датычыць прэзідэнта Беларусі, ён за ўладу ссінелымі рукамі (шмат разоў казаў) не трымаецца. Пытанне не ўва мне. Пытанне ў вас: што будзе з вамі без мяне. Можа быць, я ўжо занадта сваю ролю тут пераацэньваю, але я заўсёды гляджу вось на ветэранаў учорашніх, на вас. Вам жыць у гэтай краіне. А што будзе? Вы што думаеце, яны нас або вас пашкадуюць, вось учорашнія, вы бачылі іх? Яны пашкадуюць? Ды парвуць на кавалкі», – заявіў ён.
Папярэдзіў Лукашэнка і ўдзельнікаў нядзельных пратэставых акцыяў. Маўляў, у наступную нядзелю будзе наведзены парадак. Асабліва гэта датычыць студэнтаў.
«Мы не супраць гэтага [іншадумства – belsat.eu] змагаемся, мы змагаемся супраць парушэння закона. Яны парушаюць закон. Для кагосьці гэта свавольства. Нікога не ўгаворвайце. Вось прыйшлі, патлумачылі – вось такі парадак. Хочаце вучыцца – вучыцеся. Не хочаце, хлопцы, – ідзіце лепш самі», – сказаў ён.
Сёння Лукашэнка памяняў рэктараў трох ВНУ. Кадравыя перастаноўкі выклікалі пратэсты сярод студэнтаў.
КТ belsat.eu
