Лукашэнка сустрэўся з еўракамісарам Ёганэсам Ганам (ФОТА)


Камісар еўрапейскай палітыкі суседства прыехаў абмеркаваць з афіцыйным кіраўніцтвам Беларусі і дэмакратычнымі сіламі дачыненні Беларусі з ЕЗ, правы чалавека і рэгіянальную супрацу.

На сустрэчы з Ганам Лукашэнка заявіў, што Беларусь з’яўляецца «катэгарычным прыхільнікам існавання моцнага ЕЗ».

«Мы катэгарычна супраць цэнтрабежных сілаў у ЕЗ, якія аслабляюць яго», – цытуе Лукашэнку БелТА.

Акрамя таго, Лукашэнка заявіў, што нельга дапусціць, каб «Усходняе партнёрства» стала чыста палітызаванай арганізацыяй.

«Нашае пажаданне – каб «Усходняе партнёрства» было больш прыземленае, каб яно было практычна арыентаванае», – адзначыў Лукашэнка.

Візіт адбываецца ў межах рэалізацыі рашэнняў апошняга саміту Усходняга партнёрства. Тады нашу краіну ў Бруселі прадстаўляў міністр замежных спраў Уладзімір Макей.

Апошні раз Ёханэс Ган наведваў Беларусь у 2015 годзе.

ДР belsat.eu

 

Стужка навінаў