Лукашэнка скасаваў шматразовыя адтэрміноўкі ад службы ў войску


Кіраўнік Беларусі падпісаў закон «Аб змяненні законаў у пытаннях эфектыўнага функцыянавання вайсковай арганізацыі дзяржавы». Дакумент уступае ў моц праз дзесяць дзён пасля афіцыйнага апублікавання.

Праціўнікам скасавання адтэрміновак ад войска прапаноўваюць насіць значкі

Як паведамілі ў Адміністрацыі Аляксандра Лукашэнкі, цяпер дазваляецца атрымліваць адтэрміноўку для працягнення адукацыі толькі адзін раз. Закон таксама абмяжоўвае прыняцце на дзяржаўную службу, службу ў сілавых органах грамадзянаў, якія ўхіліліся ад прызыву.

Разам з тым захаваныя ўсе адтэрміноўкі паводле стану здароўя, сямейнага становішча.

Таксама закон вызваляе ад выплаты затрачаных на іх падрыхтоўку сродкаў выпускнікоў, якіх накіравалі на працу пасля навучання за кошт бюджэту і якія добраахвотна паступілі на ваенную службу паводле кантракту і праслужылі не менш за тэрмін абавязковай работы.

Міністр адукацыі лічыць, што магістратура зусім не абавязковая ступень адукацыі

Усе адтэрміноўкі для працягу адукацыі, дадзеныя да ўступлення ў моц закона, захоўваюцца да сканчэння падставаў, паводле якіх іх выдалі.

Таксама Аляксандр Лукашэнка даручыў прапрацаваць меры для павышэння прэстыжу тэрміновай вайсковай службы.

У войска – з язваю. Хто такі сярэднестатыстычны беларускі навабранец?

МГ belsat.eu

Глядзі таксама
Каментары