Кіраўнік Беларусі 17 лютага зацвердзіў рашэнне аб ахове дзяржаўнай мяжы органамі памежнай службы ў 2020 годзе. Пра гэта паведамляе БелТА.
Перад гэтым Аляксандр Лукашэнка адзначыў, што памежная бяспека – найважнейшы пытанне дзяржаўнай палітыкі. І, паводле яго, «выклікаў і пагрозаў памежнай бяспекі год ад года не робіцца менш» – растуць патокі незаконнай міграцыі, аб’ёмы кантрабанды наркотыкаў і іншых сродкаў злачыннай дзейнасці.
Беларускі кіраўнік адзначыў, што разлічвае на больш шырокае падтрыманне і садзейнічанне Еўрапейскага звязу ва ўмацаванні бяспекі на агульнай мяжы.
«Неабходна прадметна выкарыстоўваць зацікаўленасць Еўразвязу ва ўмацаванні супрацы з Беларуссю па супрацьдзеянні агульным пагрозам», – сказаў Лукашэнка.
Ён падкрэсліў, што ўдасканаленне памежнай інфраструктуры абыходзіцца Беларусі нятанна, і таму ён разлічвае на больш шырокае падтрыманне і садзейнічанне. Чакае кіраўнік краіны падтрымання і з боку Расеі, бо «гэта наша агульная мяжа з Расейскай Федэрацыяй».
МГ belsat.eu
