Аб гэтым ён заявіў 28 траўня падчас дакладу кіраўніка справамі прэзідэнта Віктара Шэймана, перадае прэс-служба Лукашэнкі.
Аляксандр Лукашэнка пацікавіўся, як адбіўся каронавірус на падведамных Кіраўніцтва справамі прэзідэнта прадпрыемствах. Ён загадаў падтрымаць людзей, якія там працуюць.
Кіраўнік краіны патлумачыў, што падчас сустрэчаў з кіраўнікамі нацыянальных паркаў і іншых устаноў часта просяць падтрымаць людзей, бо эканоміка спынілася, межы закрыліся і турыстычныя плыні прыпыніліся.
«Нам аніяк нельга згубіць людзей, – сказаў Лукашэнка. – Гэта не ад нас залежыць. Думаю, за пару-тройку месяцаў эканоміка запрацуе, і ў суседзяў, і ў Расеі, і гэтак далей. І людзі пачнуць перасоўвацца. Але вось за гэтыя пару месяцаў мы павінны падтрымаць працоўныя калектывы».
Зараз Кіраўніцтву справамі прэзідэнта падпарадкоўваюцца 110 прадпрыемстваў. З найбольшымі складанасцямі сутыкаюцца гасцінічная і выставачная сферы, а таксама прамысловасць.
Раней Лукашэнка загадаў бюджэтным арганізацыям «круціцца» і не моцна разлічваць на падтрыманне ад дзяржавы.
КТ belsat.eu