Аляксандр Лукашэнка заявіў, што прыедзе ў Маскву на парад з нагоды 75-годдзя Перамогі ў Вялікай Айчыннай вайне, паведамляе прэс-служба кіраўніка Беларусі.
«У мяне часта пытаюцца: «А вы паедзеце на парад у Маскву?» Вядома. Калі ўжо з Беларусі ніхто не прыедзе ў Маскву, то хто ж тады паедзе», – сказаў 27 сакавіка кіраўнік Беларусі падчас наведвання прадпрыемства «Белгіпс».
Раней расейскія медыі паведамлялі, што парад адмяняць не будуць нягледзячы на пандэмію COVID-19 у свеце.
Беларусь таксама не збіраецца адмяняць урачыстасці з нагоды 75-гадовага юбілею Перамогі.
ЮВ belsat.eu