Лукашэнка не выключае, што «Міс Беларусь 2018» можа ўзначаліць калгас

ВІДЭА

Марыя Васілевіч. Фота - instagram.com/by_vasilevich

Пераможца нацыянальнага конкурсу «Міс Беларусь – 2018» Марыя Васілевіч была заўважана побач з Аляксандрам Лукашэнкай падчас наведвання калгасу «Радзіма» ў Бялынічах.

Як паведамляе БелТА, 10 ліпеня Марыя Васілевіч прысутнічала на мясцовым свяце ў аграгарадку Вішоў, дзе ўшаноўвалі працаўнікоў сельскагаспадарчага кааператыва. Што яна там рабіла – дзяржаўныя СМІ не ўдакладняюць. Гэты аграгарадок сёння наведаў і Аляксандр Лукашэнка.

Марыя Васілевіч і Аляксандр Лукашэнка. Фота – belta.by

Наведваючы музей калгаса «Радзіма», Лукашэнка прапанаваў Марыі Васілевіч прысесці за стол першага старшыні гаспадаркі і жартам выказаў здагадку, што, магчыма, ёй давядзецца ўзначаліць сельскагаспадарчае прадпрыемства.

Пазней дзяўчына заявіла журналістам, што калі Лукашэнка казаў сур’ёзна і прапанова будзе ў сіле, то гатовая паспрабаваць сябе ў сельскай гаспадарцы, а спачатку ёй неабходна адпрацаваць двухгадовай кантракт па месцы сваёй бягучай працы.

Марыя Васілевіч. Фота – instagram.com/by_vasilevich

Фінал конкурсу «Міс Беларусь 2018» 4 траўня прайшоў у Палацы рэспублікі ў Менску. Перамагла 20-гадовая Марыя Васілевіч. Сёлета дзяўчына скончыла БГЭУ.

За фіналам конкурсу традыцыйна назіраў Аляксандр Лукашэнка.

ІІ, belsat.eu, паводле БелТА

Глядзі таксама
Каментары