Аляксандр Лукашэнка падчас візіту ў Лагойскі раён запатрабаваў павысіць узровень дысцыпліны ў сельскай гаспадарцы і разлічваць у большай ступені на ўласныя сілы. А яшчэ выказаў думку, што МТЗ або «Беларуснафце» трэба перадаць калгасы ў якасці падшэфных арганізацыяў.
«Наша бяда – псіхалогія. Мы, аграрыі, пачынаем ныць: а вось нам цяжка. Дворнік (віцэ-прэм’ер. – заўвага.) ходзіць, думае: так, сапраўды. Увайшоў у становішча. Трэба ім дапамагаць. Бяжыць да мяне, мяне пераконвае. Я таксама думаю: так, трэба дапамагаць. А ён сядзіць і рукі пацірае, пасмейваецца: вось я напружыў – мне далі. Усе, дурніца павінна быць закончаная», – цытуе Лукашэнку ягоная прэс-служба.
Лукашэнка надаў асаблівую ўвагу працы тых гаспадарак Лагойскага раёна, якія раней былі перададзеныя ў якасці падшэфных арганізацыяў буйным прадпрыемствам і прыватным структурам. Ён пацікавіўся, наколькі эфектыўна яны працуюць, і даручыў правесці іх рэвізію.
«Думаю, трэба кагосьці яшчэ дагрузіць дадаткова калгасамі, саўгасамі. Дапусцім, МТЗ ці «Беларуснафту», – адзначыў Лукашэнка. Ён выказаў перакананасць, што такія меры дазволяць хутчэй вывесці на эфектыўную працу адсталыя гаспадаркі.
ІІ belsat.eu