Пра гэта кіраўнік Беларусі заявіў на нарадзе, дзе прыняў кадравыя рашэнні.
«Вы ведаеце, чым займацца і як. Прынцыповасць, сумленнасць, шчырасць. І недапушчальнасць рознага роду супрацьпраўных дзеянняў. Не дай бог карупцыя ці яшчэ штосьці. На злобу дня – вы бачыце, што адбываецца ў краіне. Літасці ў гэтых адносінах нікому не будзе. Гэта датычыць усяго кіроўнага складу», – заявіў ён.
Чытайце таксама:
- Непераможная карупцыя: самыя гучныя арышты чыноўнікаў і «набліжаных»
- Як энергетыкі распільваюць грошы на ачыстку кацельных. Расследаванне «Белсату»
- Карупцыя дабралася да Адміністрацыі прэзідэнта. Пра гэта распавяла Наталля Качанава
- Карупцыя ў Мінэнерга. Найслабейшае звяно – закупы і кантроль за імі
Па Беларусі пракацілася хваля карупцыйных справаў, у якія замяшана шмат чыноўнікаў і нават «правая рука» Лукашэнкі. Кіраўнік Беларусі на пачатку чэрвеня анансаваў новыя гучныя карупцыйныя справы.
Барацьбе Лукашэнкі з карупцыяй ужо больш за 24 гады. За чвэрць стагоддзя пры нібыта няспынным змаганні яна не толькі не знікла, а расквітнела. Карупцыянераў, як выяўляецца, у краіне не адзінкі, а цэлыя кланы. Некаторыя з іх сядаюць у турму, хутка выходзяць і нават атрымліваюць новыя пасады.
ДР belsat.eu
