Лукашэнка кажа, што дырэктары цукровых заводаў цяпер просяцца «ў калгас гной грузіць»

Падчас наведвання Гомельшчыны Аляксандр Лукашэнка зноў закрануў тэму «цукровай справы». Сюжэт пра гэта паказаў тэлеканал ОНТ.

Лукашэнка адзначыў, што ён «жорстка спаганяе з кіраўнікоў» і прывёў у прыклад затрыманне дырэктароў цукровых заводаў.

«Вось сядзяць цяпер і просяцца: адпусціце, пойдзем у калгас гной грузіць. Я кажу: мы ўжо віламі гной не грузім, таму сядзіце. Прызналіся, дзе кралі, усе паадавалі – кажуць, усё забірайце, толькі ў турму не саджайце! А хто цябе пасадзіў у турму? Ты сам сябе пасадзіў. Я ўвесь час кажу: не чапай чужое. Не чапай! Асабліва кіраўнік», – кажа Лукашэнка.

«Цукровая справа»: як выглядае расейскі след

  • У канцы студзеня ў незалежных СМІ з’явілася інфармацыя пра арышт дырэктара Гарадзейскага цукровага камбінату Міхаіла Крыштаповіча, дырэктара Скідзельскага цукровага заводу Дзмітрыя Ягорава, дырэктара Жабінкаўскага цукровага заводу Віктара Міронава, дырэктара Слуцкага цукрарафінаднага камбінату Мікалая Прудніка і кіраўніка Беларускай цукровай кампаніі Дзмітрыя Кірылава. Дзеля затрымання Міхаіла Крыштаповіча спецслужбы Беларусі разгарнулі ў небе над Польшчай пасажырскі самалёт «Белавія», які ляцеў з Менску ў Мюнхен. Цягам 11 дзён улады не каментавалі знікненне дырэктараў усіх цукровых заводаў краіны.
  • 4 лютага Лукашэнка прызнаў, што затрымання адбыліся паводле ягонага загаду. Кіраўнік дзяржавы назваў дырэктараў заводаў «падонкамі», якія «нахабна сярод белага дня крадуць». У той жа дзень на тэлеканале «Беларусь-1» выйшаў сюжэт пад назваю «Цукровая мафія», дзе распавядалася пра маштабную карупцыю ў цукровай галіне. Прадстаўнік КДБ Канстанцін Бычак паведаміў, што распачаты шэраг крымінальных справаў за атрыманне і дачу хабару. «Штогод сумы хабараў вылічаліся сотнямі тысяч долараў», – адзначыў ён. Таксама прадстаўнік КДБ пацвердзіў арышт экс-кіраўніка 2-га ўпраўлення ГУБАЗіК МУС палкоўніка Уладзіміра Ціхіні, які за хабары «страхаваў цукровую мафію і яе схему».
  • Паводле медыяў, у межах «цукровай справы» былі затрыманыя 11 чалавек. Афіцыйна ў справе затрыманыя 7 чалавек. У эфіры «Беларусь-1» прадстаўнік КДБ Канстанцін Бычак сцвярджаў, што ўсе фігуранты даюць прызнальныя паказанні.

«Ягоныя рашэнні не аспрэчваліся». За што КДБ затрымаў «легендарнага» палкоўніка?

ІІ belsat.eu

Hавiны