Кіраўнік Беларусі Аляксандр Лукашэнка правёў перамовы з прэзідэнтам Расеі Уладзімірам Пуціным па тэлефоне.
Прэсавая служба Аляксандра Лукашэнкі паведамляе, што кіраўнікі дзяржаваў абмяркоўвалі развіццё беларуска-расейскіх стасункаў, узаемадзеянне на пляцоўках інтэграцыйных аб’яднанняў, у тым ліку падрыхтоўку важных двухбаковых дакументаў напярэдадні 20-годдзя Дамовы аб стварэнні Саюзнай дзяржавы.
Аляксандр Лукашэнка акрамя іншага павіншаваў Уладзіміра Пуціна з днём нараджэння.
Дарожную мапу інтэграцыі кіраўнікі краінаў маюць падпісаць 8 снежня. Менавіта ў гэты дзень споўніцца 20 гадоў Дамове аб саюзнай дзяржаве.
Дакумент, які прадугледжваю інтэграцыю Беларусі і Расеі рыхтуюць чыноўнікі з двух краінаў амаль год. Змест дакументу, а таксама галоўныя моманты не агучваюцца для шырокай публікі.
СК belsat.eu