Лукашэнка і Парашэнка вызначылі, калі пройдзе І Форум рэгіёнаў Украіны і Беларусі


Сустрэча ў ААЭ, фота прэс-службы Аляксандра Лукашэнкі

Пятро Парашэнка і Аляксандр Лукашэнка 27 лютага па тэлефоне абмеркавалі пытанні развіцця двухбаковых адносін.

Пра гэта паведамляе прэс-служба прэзідэнта Украіны.

«Суразмоўцы абмеркавалі актуальныя пытанні парадку дня беларуска-ўкраінскіх дачыненняў, у прыватнасці развіццё двухбаковага палітычнага дыялогу і будучыя кантакты на вышэйшым узроўні», – гаворыцца ў паведамленні.

Кіраўнікі дзяржаў адзначылі важнасць належнай падрыхтоўкі да правядзення ў кастрычніку ў Гомлі Першага форуму рэгіёнаў Украіны і Беларусі. У гэтым кантэксце размова ішла аб інтэнсіфікацыі гандлёва-эканамічных і культурных складнікаў міжрэгіянальнага супрацоўніцтва.

Апошні раз кіраўнікі Беларусі і Украіны асабіста сустракаліся ў лістападзе мінулага года ў ААЭ.

КА, belsat.eu

Глядзі таксама
Каментары