Кіраўнік Беларусі Аляксандр Лукашэнка даручыў ураду вярнуцца да пытання стварэння Міністэрства лічбавай эканомікі ды прыняць у другім квартале гэтага года рашэнне, ці патрэбная ў краіне гэтая структура.
Пра гэта ён заявіў падчас сустрэчы ў адміністрацыі Парку высокіх тэхналогій з прадстаўнікамі IT-супольнасці, перадае БЕЛТА.
Ініцыяваў стварэнне міністэрства заснавальнік інвестыцыйнай кампаніі VP Capital Віктар Пракапеня. На яго думку, ведамства магло б стаць своеасаблівым цэнтральным штабам, які б замкнуў на сабе ўсе працэсы інфарматызацыі ў краіне.
Лукашэнка ў цэлым станоўча ацаніў ініцыятыву. «Калі атрымаецца, не ламаючы структуру ўрада, умантаваць міністэрства лічбавай эканомікі як пласт для развіцця дзяржавы, мы гэта зробім», – сказаў ён.
МГ belsat.eu