Лукашэнка абвінаваціў расейскіх сілавікоў у «крышаванні» кантрабанды санкцыйных тавараў

ВІДЭА

Аляксандр Лукашэнка на сустрэчы са старшынёй Дзяржаўнага мытнага камітэту Юрыем Сянько закрануў тэму процідзеяння ўвозу санкцыйных прадукцыі на тэрыторыю Расеі. Ён заявіў, што гэтымі працэсамі запраўляюць самі ж расейцы.

«Галаўны боль для нас. Робім шалёную працу ў інтарэсах Расеі. А як тут мытнікі кажуць і іншыя, там жа ідзе бойка пастаянна, – хтосьці замаўляе нейкія матэрыялы (у СМІ). Яны пачынаюць нам прад’яўляць прэтэнзіі. Замест падзякі пачынаюць парой ківаць на нас, што мы тут дрэнна працуем з санкцыйнымі таварамі», – заявіў ён.

«Ці вырашана гэтае пытанне? І калі гэта не так, нам трэба смялей пра гэта казаць. Таму што, па інфармацыі спецслужбаў, запраўляюць усімі негатыўнымі працэсамі, звязанымі з «санкцыёнкай» ды іншымі пытаннямі, фірмы і кампаніі Расейскай Федэрацыі, часам буйныя, за якімі стаяць буйныя дзялкі з цяжкімі пагонамі. Гэта таксама трэба гаварыць, не саромецца. не мытнікам расейскім казаць, а інфармаваць урад і прэзідэнта Расейскай Федэрацыі, каб яны там разбіраліся са сваімі. Я Пуціну часта пра гэта кажу. Але факты трэба выкладаць», – заявіў ён.

Юрый Сянько ў сваю чаргу распавёў, што ўчора на магілёўскім напрамку былі затрыманыя два грузавікі, якія ехалі з Беларусі ў Расею з грузам санкцыйных прадукцыі. Суправаджаў гэтыя два грузавікі грамадзянін Расеі, які значыўся ў міждзяржаўным вышуку.

«Падраблялі дакументы, самі вязуць, а потым нам прадʼяўляюць прэтэнзіі», – адзначыў у сувязі з гэтым Лукашэнка.

Пасля ўвядзення Расеяй прадуктовага эмбарга ў дачыненні да прадукцыі заходніх краін, Масква неаднаразова выступала з абвінавачваннямі ў адрас Беларусі рээкспарце санкцыйных прадуктаў. Афіцыйны Менск усе абвінавачанні зняпраўджвае.

ІІ, belsat.eu, паводле БелТА

Глядзі таксама
Каментары