Сярод літоўцаў набірае папулярнасць набыццё алкаголю за мяжой, у тым ліку ў Беларусі.
Пра гэта сведчаць вынікі апытання кампаніі «Baltijos tyrimai», якое паказала, што за мінулы год 7 % жыхароў Літвы набывалі алкаголь у Польшчы, 4 % – у Латвіі, 2 % – у Беларусі або ў Расеі. Такая з’ява назіраецца ў пяці літоўскі староствах.
Апытанне кампаніі «RAIT» паказала, што 12 % жыхароў Літвы прызналі, што за апошні год набывалі альбо ўжывалі нелегальны алкаголь. Гэта на 4 % больш, чым у 2015 годзе.
Прэзідэнт Літоўскага інстытуту вольнага рынку Жылвінас Шыленас звярнуў увагу на тое, што жыхары краіны, магчыма, сталі спажываць менш легальнага алкаголю пасля павышэння акцызаў і павелічэння цэнаў на алкаголь.
Такім чынам у Літве назіраецца рост ценявога рынку алкаголю, тое ж тычацца і ценявога рынку цыгарэтаў.
Паводле даследавання «Nielsen», за два года ценявы рынак цыгарэтаў павялічыўся ў краіне на 2 % (да 20 %). У Латвіі гэты рынак складае 24 %, у Эстоніі – 13 %. Большая частка нелегальных цыгарэтаў у Літве – кантрабанда з Беларусі.
Глядзіце таксама:
