Лідар венесуэльскай апазіцыі заклікаў дыпламатаў не падпарадкоўвацца Нікаласу Мадура
Спікер парламента Венесуэлы і лідар апазіцыі Хуан Гуаідо, які абвясціў сябе прэзідэнтам краіны, дазволіў венесуэльскім дыпламатам застацца ў ЗША, нягледзячы на загад Нікаласа Мадура.
Пра гэта палітык напісаў у сваім «Twitter’ы».
«Усе працаўнікі дыппрадстаўніцтваў Венесуэлы ў Злучаных Штатах. Вы – законная і міжнародна прызнаная ўлада. Я кажу вам: калі вы хочаце – заставайцеся і будзе прызнаныя народам Венесуэлы», – напісаў Гуаідо. У паведамленні венесуэльскі апазіцыянер заклікаў дапамагчы распаўсюдзіць пасланне і данесці яго да дыпламатаў.
23 студзеня ў Венесуэле пачаліся маштабныя антыўрадавыя акцыі пратэсту. Тысячы жыхароў краіны выйшлі на вуліцы ў розных гарадах.
Паводле няўрадавай грамадскай арганізацыі «Венесуэльскі крымінальны форум», па стане на першую палову дня 24 студзеня падчас пратэстаў загінула 23 асобы, сотні атрымалі раненні і больш за 200 былі арыштаваныя.
ЮВ, belsat.eu
