Як стала вядома «Белсату», Алеся Лобана зараз спрабуюць пакласці ў інфекцыйны шпіталь.
Алеся Лобана – лекара, які прыехаў з Нідэрландаў у Горадню 17 сакавіка – забрала хуткая дапамога. Спадар Лобан паспеў патэлефанаваць журналістам і распавесці, што яго вязуць у інфекцыйны шпіталь у машыне хуткай дапамогу. Сам Алесь Лобан кажа, што хуткую дапамогу не выклікаў, ні на што не скардзіўся.
«Быцам бы тэмература 37,1 і з горлам непарадак, – кажа Лобан пра прычыну сваёй шпіталізацыі. Пра тое, што лекары плануюць рабіць далей, яны не кажуць.
Як было вядома нашым журналістам раней, Алеся Лобана па тэлефоне папярэдзілі лекары пра каранцін – маўляў, ён прыехаў з Нідэрландаў і зараз мусіць заставацца ўдома.
Нагадаем, раней Алесь Лобан апублікаваў зварот да Аляксандра Лукашэнкі з патрабаваннем закрыць межы Беларусі з-за распаўсюду каронавірусу.
Дзіяна Раткевіч Belsat.eu
