Леанід Кучма прыняў рашэнне аб сыходзе з пасады прадстаўніка Украіны ў кантактнай групе па ўрэгуляванню канфлікту на Данбасе. Рашэнне палітыка звязанае з яго ўзростам.
Экс-прэзыдэнт Украіны адзначыў сваё 80-годдзе, паведамляе РБК. У сувязі з гэтым Леанід Кучма вырашыў скончыць кар’еру спецпрадстаўніка Украіны. Падчас сустрэчы кантактнай групы 2 кастрычніка ў Менску, палітык выказаў словы падзякі сваім калегам.
З першых дзён узброенага канфлікту на Данбасе ў 2014 годзе Леанід Кучма выступаў у якасці прадстаўніка афіцыйнага Кіева. Падчас перамоваў у беларускай сталіцы Кучма падпісваў Менскія пагадненні, якія прадугледжвалі спыненне агню на тэрыторыі Данецкай і Луганскай вобласцяў.
СК, belsat.eu