Міністр замежных справаў РФ Сяргей Лаўроў заявіў, што Захад незадаволены Расеяй, бо яна імкнецца адстойваць свае інтарэсы на прасторы, «якая гістарычна нам усім належыць».
«Захад спрабаваў выкарыстаць беларуска-расейскія вучэнні, як падставу для таго, каб нагнятаць істэрыю. І Беларусь, і Расея загадзя праінфармавалі краіны, якія ўдзельнічаюць у венскім дакуменце па лініі АБСЕ. Усе паведамлення былі накіраваны, усе назіральнікі запрошаны – прычым нават запрашэння выходзілі за рамкі неабходнага. Усе, хто хацеў, на вучэннях пабываў, усе, хто пабываў, пацвердзіў, што ўсё было транспарэнтна, але пад шумок удалося нашым амерыканскім калегам разам з натаўцамі размясціць на тэрыторыі краінаў Балтыі і Польшчы дадатковыя вайсковыя кантынгенты. То бок падстава была выкарыстаны», – заявіў кіраўнік МЗС РФ у інтэрв’ю СТВ.
Паводле Лаўрова, Захад незадаволены тым, што «Расейская Федэрацыя, як краіна, якая адстойвае сваё інтарэсы ў цесным узаемадзеянні са сваймі саюзнікамі на прасторы, якая гістарычна нам усім належыць».
«Яны спрабавалі ставіць усіх нашых суседзяў перад выбарам – альбо вы з Расеяй, або вы з Захадам. Да чаго ўсё гэта прывяло мы бачылі і ў Грузіі, і ва Украіне», – заявіў дыпламат.
ІІ, belsat.eu
