Людзі прыйшлі ва ўрочышча Курапаты, каб паставіць знічы і прачытаць супольную малітву разам са святарамі розных канфесіяў. Карэспандэнт «Белсату» ладзіць відэатрансляцыю з Курапатаў.
Нагадаем, што раніцай 4 красавіка ва ўрочышчы Курапаты па рашэнні ўладаў дэмантавалі драўляныя крыжы, якія раней актывісты ўсталявалі на знак памяці ахвяраў сталінскіх расстрэлаў.
На дадзены момант вядома, што ў Курапатах зруйнавалі 70 крыжоў. Людзі, якія спрабавалі спыніць будаўнічую тэхніку былі затрыманыя.
Ва ўрочышчы Курапаты затрымалі 15 асобаў. Дзве з іх цяпер знаходзяцца ў ізалятары часовага ўтрымання.
Па стане на 21:00 вядома, што былі вызваленыя Піліп Шаўроў, Сабалеўскі Міхаіл, Валер Рабцаў, Валянціна Яроменак і Зміцер Дашкевіч. Міліцыянты склалі на іх пратаколы паводле арт. 17.1 (дробнае хуліганства) КааП (Кодэкс аб адміністратыўных правапарушэннях) або 17.1 + непадпарадкаванне.
ЮВ belsat.eu