Крэмль стварае ў Беларусі партыю супраць Лукашэнкі, але за інтэграцыю з РФ


Выданне «The Insider» публікуе дакументы, у якіх нібыта адлюстроўваюцца планы Адміністрацыі прэзідэнта Расеі на беларускім напрамку. Паводле рэсурсу, упраўленне прэзідэнта РФ па міжрэгіянальных і культурных сувязях з замежнымі краінамі, якое ўзначальвае генерал СВР Уладзімір Чарноў, Крэмль актыўна працуе ў Беларусі. Цяпер вядзецца праца па стварэнні новай партыі «Права народа», якая будзе выступаць супраць Лукашэнкі, але за інтэграцыю з Расеяй.

Расея імкнецца захаваць уплыў у Беларусі. Адміністрацыя Крамля актыўна шукае магчымасці дзеля гэтага і цяпер імкнецца не толькі патрапіць у кіроўныя органы ўсіх апазіцыйных структураў, але і стварае свае грамадскія арганізацыі і сетку мясцовых лідараў грамадскай думкі.

Першы з дакументаў, якія апынуліся ў распараджэнні The Insider, – «Стратэгія працы ў Рэспубліцы Беларусь». Ён падрыхтаваны ў верасні 2020 года. Сярод іншага там ёсць пункты аб тым, што трэба зрабіць для «захавання ўплыву ў Беларусі». Адна з ідэяў – «сфармаваць інфармацыйную інфраструктуру дзеля захавання грамадска-палітычнага ўплыву пры любым сцэнары».

Другі дакументы – гэта выступ генерала Уладзіміра Чарнова. З гэтага дакументу вынікае, што «ў Беларусі расце масавае і глыбіннае непрыманне прэзідэнта Аляксандра Лукашэнкі, якое ўсё мацней захоплівае адміністрацыйныя пласты». Таму ўлады Расеі імкнуцца зладзіць канстытуцыйную рэформу і перадаць уладу парламенту, які сфармуюць сілы лаяльныя Маскве. Акрамя імкнення пераходу Беларусі да парламенцка-прэзідэнцкай рэспублікі, у Расеі ўжо запланавалі маштабную прыватызацыю дзяржаўнага сектара, «дэмантаж цэнзуры» і «павагу свабоды і годнасці асобы», што гучыць даволі іранічна, улічваючы, дзе гэтая праграма складалася, піша «The Insider».

Таксама сярод дакументаў ёсць спіс «актыву», які прыцягваецца адміністрацыяй прэзідэнта Расеі да працы па Беларусі.

Спіс актыву прарасейскай партыі.
Фота: «The Insider»

У дакументах фігуруюць прозвішчы Аляксандр Швец, Мікіта Лагавы, Віталь Купрык. Імаверна, што яны стануць лідарамі ў новай расейскай партыі з працоўнай назвай «Права народа».

Калі менавіта адбудзецца ўстаноўчы з’езд партыі – невядома.

Крэмль разлічвае перавесці незадаволенасць беларусаў у бок «канстытуцыйных рэформаў», спадзеючыся, што гэта адцягне ўвагу грамадзянаў ад барацьбы супраць скрадзеных выбараў.

«Мы не прыхільнікі гвалтоўных рэвалюцый і рэвалюцыйных пераўтварэнняў, – абвяшчае праграма. – Мы прыхільнікі рашучых рэформаў, якія сфармуюць трывалыя ўмовы і механізмы для рэалізацыі годнасці грамадзянаў і годнасці Рэспублікі Беларусь».

Наша калега, палітычны аналітык Ігар Ільяш у сваім тэлеграм-канале «Беларускі Данбас» пракаментаваў артыкул выдання.

«На дадзеным этапе Лукашэнку патрэбны Крамля як чалавек, які зробіць усю брудную працу: задушыць народныя пратэсты, знішчыць у Беларусі ўсё празаходнія і нацыянальна-арыентаваныя сілы. А калі прастора будзе канчаткова зачышчаная, ад Лукашэнкі пазбавяцца дакладна так, як Расея раз за разам пазбаўлялася ад нязручных лідараў «ЛДНР». Лукашэнка проста заменяць кімсьці больш паслухмяным і прадказальным. Як вынікае з дакументаў генерала Чарнова, магчыма, гэта будзе не хтосьці, а штосьці: прарасейскі парламент, дзе большасць будзе ў марыянеткавай партыі Крамля. Пасля такога апдэйта беларускай дыктатуры можна будзе ўшчыльную заняцца паглынаннем Беларусі», – піша Ігар Ільяш.

Размова
Крэмль спадзяецца, што Лукашэнка сыдзе сам
2020.11.30 21:20

СК belsat.eu

Банер у падтрымку незалежных журналістаў
Стужка навінаў