Кот-Зайцаў і Хітрык. Зоркі сышліся (прэм’ера песні)

Прэм'ера

Гурт «BosaeSonca» разам з Ганнай Хітрык запісаў цудоўную навагоднюю песню «Феерверкамі».

Лідар гурта Алесь Кот-Зайцаў і акторка ды спявачка Ганна Хітрык дамаўляліся на дуэт яшчэ каля 10 гадоў таму, але ўсё ніяк не выходзіла. І вось нарэшце пад Новы год музыкі сабраліся разам, каб запісаць Алесеву песню.

«Яна была задуманая яшчэ з год таму, настрой у твора быў настолькі святочны, калядна-навагодні, што нічога не заставалася, як дачакацца святаў, каб запісаць яе», – распавядае лідар гурта «BosaeSonca».

Ён вельмі рады, што кампазіцыю ўдалося запісаць дуэтам з Ганнай Хітрык: «Нарэшце ўсе зоркі сышліся і феерверкі запусціць удалося. Песня атрымалася вельмі святочнай і аптымістычнай, што для сённяшняга дня – рэдкасць».

«Мы яшчэ з часоў гурта «Дзецідзяцей» планавалі заспяваць разам, – кажа Ганна Хітрык. – Усе апладысменты мусяць дастацца Алесю, бо ён усё напісаў, мне заставалася толькі прыдумаць свой голас. Па шчырасці, трохі панікавала, бо мы жывем у розных гарадах і прарэпетаваць ніяк не выходзіла, давялося ўжо на пляцоўцы сустрэцца. Дужа перажывала, каб не папсаваць песні, але па выніку атрымалася пяшчотная і кранальная кампазіцыя і сапраўдны дуэт».

Песня «Феерверкамі» была запісаная для праекту «Новае пакаленне на Новы год», відэавэрсію якога можна паглядзець у ноч з 31 снежня 2015 на 1 студзеня 2016 года на тэлеканале «Белсат».

Глядзіце яшчэ >>> «Белсат» і Tuzin.fm падрыхтавалі для Вас навагодні сюрпрыз

Цуднымі,


Белымі,


Снежнымі


Дні былі.


Маляваў


Словамі,


Цёплымі


Фарбамі.

Пр.


Мы запалім уночы ўсе вагні


Разляцімся ў небе…


Зорнымі шляхамі,


Мроямі…


Дагарым і ўспыхнем


Феерверкамі!

Запалі


Аганькі

Яскрымі


Знічкамі.


У дамы


Святы йшлі


Шчодрымі


Светлымі.

Пр.


Мы запалім уночы ўсе вагні


Разляцімся ў небе…


Зорнымі шляхамі,


Мроямі…


Дагарым і ўспыхнем


Феерверкамі!

Цуднымі


Белымі


Снежнымі.


Нашы дні.

СБ, belsat.eu

Глядзі таксама
Каментары