Цяпер у Астрашыцка-Гарадоцкай школе заняткі, але праходзяць яны без Мікалая. Малодшы сын кіраўніка Беларусі традыцыйна суправаджае бацьку ў міжнародным ваяжы. Маладзён трапіў у аб’ектыў фатографа «Getty Images» Андрэа Вэрдэла (Andrea Verdell) 25 красавіка. У Кітаі хлопец прабудзе тры дні.
Што пра адсутнасць Колі думае дырэктарка, мы хацелі даведацца ў яе самой. Але Кацярына Махахей не падымае слухаўкі.
Асаблівую ўвагу журналістаў прыцягнула новая прычоска юнака. Бачна, што ён сочыць за трэндамі моды.
У новым вобразе Мікалай з’явіўся з бацькам падчас наведвання Другога форуму міжнароднай супрацы «Адзін пояс – адзін шлях», які праходзіць у Пекіне.
За апошні час Коля моцна змяніўся. У свае 14 ён выглядае на ўсе 18. Хоць яшчэ два гады таму таксама ў Пекіне ён ужо піў алкаголь з бацькам, але выглядаў больш па-дзіцячы.
Уражвае і рост Мікалая. Ён ужо вышэйшы за тату і выглядае на фота, як ягоны ахоўнік. А сам Лукашэнка-старэйшы не маленькі. Ягоны рост – 1,88 м.
Затое з прычоскай Аляксандра Лукашэнкі ўсё гэтак, як ён любіць, то бок стабільна.
ДР belsat.eu
