Па стане на вечар 10 чэрвеня малодшы сын кіраўніка Беларусі знаходзіўся ў ТОП-10 «Weibo» (кітайскі аналаг «Twitter»).
Адзін з карыстальнікаў «Facebook’у» выказаў здагадку, што папулярнасць «беларускага кронпрынца», як часамі іранічна называюць Колю, паўплывала на ўвядзенне бязвізавага рэжыму паміж Беларуссю і Кітаем.
Нагадаем, што 9-10 чэрвеня кіраўнік Беларусі наведаў саміт Шанхайскай арганізацыі супрацы ў кітайскім Цін-Даў.
Разам з Аляксандрам Лукашэнкам у Кітай паехаў ягоны малодшы сын. Мікалаю нават пашчасціла пасядзець у фатэлі ў адным шэрагу з кіраўнікамі дзяржаў, якія прыехалі на саміт.
Сёлета амбасадар Беларусі ў Кітаі Кірыл Руды апублікаваў у сваім «Twitter’ы» відэа, на якім Мікалай Лукашэнка па-кітайску віншуе жыхароў паднябеснай са святам вясны (кітайскі новы год).
ЮВ, belsat.eu
