Колькасць памерлых ад каронавірусу ў Кітаі вырасла да 26 чалавек

У Кітаі колькасць памерлых ад новага тыпу каронавірусу ўжо склала 26 асобаў, колькасць інфікаваных – 830. Пра гэта паведамляе Дзяржаўны камітэт па пытаннях аховы здароўя КНР.

Найбольшая колькасць інфікаваных зафіксаваная ў горадзе Ўу-Хань. Тут выяўлена 549 хворых на каронавірус, інфекцыя забрала жыцці 24 асобаў. Фактычна ў горадзе ўведзены каранцін, уезд і выезд забаронены. Акрамя таго кітайскія ўлады спынілі працу грамадскага транспарту ў яшчэ адным горадзе – Сяньіне.

Каронавірус у Кітаі: панікі няма, але дэзынфектары для рук і маскі на твар у дэфіцыце

Першыя выпадкі заражэння на каронавірус звязваюць з аптовым рынкам морапрадуктаў ва Ўу-Хань. Паводле інфармацыі шэрагу СМІ, тут прадаваліся нават лятучыя мышы, куры, трусы і змеі. Кітайскія вірусолагі схіляюцца да думкі, што найбольш верагоднай жывёлай-носьбітам інфекцыі стала змяя.

Заворванні на новы каронавірус зафіксаваныя і ў некаторых іншых краінах свету. Паведамляецца пра выяўленне інфекцыі ў Японіі, Паўднёвай Карэі, ЗША, Тайландзе.

Смяротны каронавірус выйшаў з Кітаю, яго пацвердзілі ў Амерыцы

  • Сачыць за распаўсюдам хваробы па свеце можна на адмысловым сайце.

СК belsat.eu

Глядзі таксама

Hавiны