10 ліпеня Кнігарня «Логвінаў» адзначае развітанне з памяшканнем на Незалежнасці, 37а ў Менску. З гэтай нагоды ўстанова ладзіць сустрэчы з паэтамі і празаікамі, пакупнікам жа прапануюцца не толькі суперзніжкі на ўсе кнігі ад 30 да 70 %, але і падарункі.
Кнігарня «Логвінаў» мяняе фармат працы і выпраўляецца ў шырокі свет. З восені пачнецца маштабны праект «Вандроўная кнігарня». Кнігарня прылашчвае сучасную традыцыю перасоўных бібліятэк, у якой літаратура і чытанне ёсць не толькі арганічнай складнікам асабістага досведу, але і жыццёвым элементам грамадскага жыцця краіны. Кнігары, прыхапіўшы кніжкі і аўтараў, плануюць на чатырох колах у бліжэйшыя колькі гадоў аб’ездзіць усю Беларусь: яе гарады, гарадкі і вёскі.
Сама ж кнігарня ад 16 ліпеня пераязджае ў творчы кластар на Караля, 22 (станцыя метро «Фрунзенская», побач з антыкварыятам «Б/Уржуазные ценности»).
Аддаючы даніну павагі памяшканню на Незалежнасці 37а, якое за дзевяць гадоў працы зрабілася народным форумам і месцам сустрэчы творчых людзей, у сераду 10 ліпеня ладзяцца «Вялікія вылазіны кнігарні».
СК belsat.eu