Палітычная рада «Партыі новага Азербайджана» рэкамендавала сваім дэпутатам ініцыяваць роспуск парламенту. Кіраўніцтва партыі звярнулася да прэзідэнта з адпаведнай просьбай, піша Бі-Бі-Сі.
Кіроўная партыя займае большасць месцаў у парламенце. Акрамя таго яе сябрам з’яўляецца і прэзідэнт краіны Ільхам Аліеў. Наступныя ж выбары ў парламент Азербайджана павінны адбыцца восенню 2020 года. Але парламентарыі заявілі, што роспуск неабходны з мэтай новых рэформаў і дзеля прыходу ва ўладу маладых кадраў.
У сваю чаргу эксперты лічаць, што сапраўднай прычынай самароспуску парламента можа быць палітычны крызіс унутры самой улады.
«Мы жывем у краіне, у якой няма празрыстасці ў палітыцы, і мы не ведаем, што адбываецца ўнутры ўлады», – заявіў палітолаг Анар Мамедлі.
У сваю чаргу апазіцыя лічыць, што парламенцкія выбары стануць магчымасцямі для зменаў і дэмакратызацыі краіны. Грамадзяне краіны жартуюць і не бачаць магчымасцяў, што аўтарытарная ўлада Аліева можа змяніцца.
СК belsat.eu
