Начальніца штабу кандыдаткі ў прэзідэнты Святланы Ціханоўскай Марыя Мароз, якую затрымалі 8 жніўня, знаходзіцца ў ЦІП. Пра гэта ў Facebook паведаміла давераная асоба палітыка Вольга Кавалькова.
«Паводле інфармацыі РУУС Фрунзенскага раёну начальнік штаба Святланы Ціханоўская Марыя Мароз знаходзіцца ў ЦІП. Адвакату, які прыбыў у РУУС праз 30 хвілін пасля яе затрымання для яе абароны сказалі, што яе ў РУУС няма. Інфармацыі аб правапарушэнні, за якое яна была затрыманая па-ранейшаму няма», – адзначыла Кавалькова.
https://www.facebook.com/volha.kavalkova/posts/3244195658995553?__cft__[0]=AZXtGW6zw2IIKxflXVl-e7KSV7x_u0CEjFBaNjCbx1YVeNhYjtb-eXKc-M9kYfCloc2n_6Q_mT0mfODL0jv8ITqso7fXrAJO0eqCFcHNlt0jI6ZwlrrnACR1YBe2bdBsX1I&__tn__=%2CO%2CP-R
Як паведамляе TUT.by, удома ў Марыі Мароз засталіся двое непаўналетніх дзяцей – сын 14-ці гадоў і двухгадовая дачка.
Таксама 8 жніўня ў ГУБАЗіК для прафілактычнай гутаркі выклікалі Антона Сташэўскага з аховы Святланы Ціханоўскай і давераную асобу палітыка Алега Майсеева.
У двары дому Ціханоўскай дзяжурыць шмат людзей у цывільным.
МГ belsat.eu