Паводле Плану падрыхтоўкі Узброеных Сілаў Беларусі, 19 лютага на палігоне Ласвіда (Гарадоцкі раён Віцебскай вобласці) праводзіцца збор з удзелам кіраўнікоў беларускіх рэгіёнаў. Пра гэта паведамілі ў Міністэрстве абароны.
У зборах на палігоне Ласвіда сярод іншых удзельнічаюць старшыні аблвыканкамаў ды Менскага гарвыканкаму, а таксама іх намеснікі.
Зборы праходзяць для павышэння ўзроўню індывідуальнай падрыхтоўкі кіраўніцтва абласных і Мінскага гарадскога выканкамаў па пытаннях ваеннай бяспекі і абароны дзяржавы.
Падчас збораў плануецца азнаёміць чыноўнікаў з асноўнымі тэндэнцыямі развіцця вайскова-палітычнай абстаноўкі вакол Беларусі, роляй і месцам тэрытарыяльнай абароны ў сучасных узброеных канфліктах, з асновамі ўжывання тэрытарыяльных войскаў.
Таксама ім прадэманструюць узбраенне, асаблівасці размяшчэння і парадак дзеянняў фарміраванняў тэрытарыяльных войскаў, ацэняць дзейнасць органаў улады ва ўдасканаленні тэрытарыяльнай абароны ў 2019 годзе.
МГ belsat.eu