Старшыню Партыі БНФ Рыгора Кастусёва, сябра Сойму Партыі БНФ Ігара Лялькова і двух актывістаў Руху салідарнасці «Разам» спынілі на мяжы ўвечары 8 лютага, калі тыя вярталіся дадому з канферэнцыі «Гібрыдная вайна РФ супраць Беларусі», якая праходзіла ў Кіеве. Іх пратрымалі больш за 4 гадзіны.
Нагодай для затрымання беларускімі памежнікамі сталі праграмкі «Бандэраўскіх чытанняў». Як паведаміў belsat.eu Рыгор Кастусёў, праграмкі забралі ў Гомель «на экспертызу»
«Сказалі, што правядуць экспертызу на наяўнасць прыкметаў экстрэмізму. Забралі нават кнігу «Архітэктура Украіны». Пакуль нас трымалі ў боксе ў памяшканні мытні, нашую машыну абшукалі, апрануўшы на колы замок з шыпамі», – распавёў палітык.
Афіцыйных каментароў Дзяржаўнага памежнага камітэту і праваахоўных органаў на дадзены момант няма.
КА belsat.eu