Кіраўнік NATO не бачыць пагрозаў з боку Беларусі


12 ліпеня 2018 года. Генеральны сакратар NATO Енс Стольтэнбэрг падчас шматбаковага спаткання NATO з Грузіяй і Украінай. Брусель, Бельгія. Фота – Yves Herman/Reuters

Стасункі NATO з Беларуссю заснаваныя на супольнай зацікаўленасці, адкрытасці. Пра гэта ў каментары карэспандэнту «Белсату» Сяргею Пелясе заявіў генеральны сакратар NATO Енс Стольтэнбэрг.

«Беларусь з’яўляецца партнёрам NATO з 1995 года. Нашыя дачыненні з Беларуссю заснаваныя на супольным інтарэсе і адкрытых шанцах для дыялогу. Мы працуем з Беларуссю над пытаннямі празрыстасці, змяншэння рызыкаў, бо мы верым што ў сферы бяспекі мы бачым узрост напружанасці. Мы бачым больш вайсковых вучэнняў. Таму трэба як мага больш празрыстасці і прадказальнасці», – заявіў Стольтэнбэрг. Размова адбылася на прэс-канферэнцыі перад спатканнем міністраў NATO.

Кіраўнік NATO нагадаў, што ягоны памочнік па новых праблемах бяспекі нядаўна наведаў Беларусь, каб праз дыялог паспрабаваць узмацніць двухбаковае партнёрства.

«Мы з боку Беларусі не бачым ніякіх пагрозаў супраць саюзных краінаў NATO», – сказаў ён.

Енс Стольтэнбэрг таксама прывітаў партнёрства і супольную працу з Беларуссю.

МГ belsat.eu

Чытайце па тэме:

Глядзі таксама
Каментары