2 верасня Аляксандр Лукашэнка прыехаў на лінейку ў новую менскую школу № 93.
«Сёння асаблівы і хвалюючы для ўсіх нас, асабліва для бацькоў і вучняў, дзень. Пачынаецца новы навучальны год – гэта год першы ў гісторыі школы, якую мы ўрачыста адкрываем. Тут усё адбудзецца ў першы раз – першы званок, першыя ўрокі, першае знаёмства вучняў і педагогаў», – цытуе Аляксандра Лукашэнку ягоная прэс-служба.
«Школа – гэта храм. Туды трэба прыходзіць з чыстымі думкамі – вучыцца, а не пакурваць у прыбіральні і займацца незразумела чым», – адзначыў кіраўнік Беларусі.
30 жніўня блогер NEXTA паведаміў у сваім «Telegram’е», што адміністрацыя школы адмыслова да прыезду кіраўніка Беларусі адмяніла «дадатковую» лінейку, каб «не бросалась в глаза переукомплектовка учениками».
2 верасня ў школу пайшоў 1 млн 30 тыс вучняў, паведамляе belta.by. Сярод іх і малодшы сын кіраўніка Беларусі Мікалай. 31 жніўня яму споўнілася 15 гадоў.
http://project.belsat.eu/kolia
Мікалай пайшоў у 9 клас Астрашыцка-Гарадоцкай школы.
ЮВ belsat.eu