Кідаўся шышкамі і паказваў дзецям палавы орган: у Горадні затрымалі эксгібіцыяніста


У Горадні ля дзіцячага садку затрымалі эксгібіцыяніста, які чапляўся да малых дзяцей. Мужчына аказаўся рэцыдывістам.

Інцыдэнт здарыўся 12 верасня, паведамілі ва УУС Гарадзенскага аблвыканкаму.

У гомельскім аўтобусе пасажыры затрымалі эксгібіцыяніста

Мужчына хаваўся за кустамі, кідаў у дзяцей шышкі, а калі тыя падыходзілі, паказваў ім палавы орган і рабіў непрыстойныя маніпуляцыі рукамі. Апроч дзяцей, яго пабачыла і жанчына, якая праходзіла міма. У выніку выхавальніца садку адвяла дзяцей і патэлефанавала ў міліцыю.

Эксгібіцыяніста затрымалі. 52-гадовага мужчыну раней судзілі за злачынства на сексуальнай глебе. Сёлета яго неаднаразова прыцягвалі да адміністрацыйнай адказнасці за знаходжанне ў грамадскім месцы п’яным.

Мужчына змешчаны пад варту. У дачыненні да яго распачалі дзве крымінальныя справы за хуліганства.

МГ belsat.eu

Глядзі таксама
Каментары