Менскі бізнесовец Алег Пяткевіч, экс-уладальнік начнога клубу «Дазары» і рэстарана «Галерэя», затрыманы ў Менску супрацоўнікамі КДБ па падазрэнні ў здзяйсненні злачынства, прадугледжанага часткай 2 артыкула 431 – «дача хабару».
Пра гэта паведамляе TUT.BY са спасылкай на ананімныя крыніцы.
«Пяткевіч затрыманы 19 снежня за спробу дачы хабару чыноўніку аднаго з абласных выканкамаў», – распавёў суразмоўца.
Іншая крыніца адзначыў, што грошай пры бізнесоўцы не было, гаворка ідзе аб падбухторванні.
КДБ сітуацыю пакуль не пракаментаваў.