На 12 красавіка паводле грыгарыянскага календару сёлета прыпадае галоўнае хрысціянскае свята – дзень Уваскрэсення Хрыстовага або Вялікдзень.
Хрысціяне каталіцкай і пратэстанцкай канфесіі сёння адзначаюць уваскрэсенне Хрыста з мёртвых. Свята сімвалізуе перамогу над смерцю і надзею на вечнае жыццё.
Паводле традыцыі, у гэты дзень прынята ўжываць велікодныя стравы. Напярэдадні ў храмах прайшлі вігіліі, сёння таксама адбудуцца святочныя набажэнствы.
Праз пандэмію каронавірусу Папа Рымскі Францішак маліўся на пустой плошчы ў Ватыкане, а вернікаў папрасілі сачыць за набажэнствамі праз інтэрнэт. Архіепіскап Тадэвуш Кандрусевіч таксама заклікаў беларусаў удзельнічаць у велікодных службах онлайн.
Праваслаўныя сёння адзначаюць Вербную нядзелю – дзень уваходу Хрыста ў Ерусалім. Вялікдзень у праваслаўных – праз тыдзень, 19 красавіка.
КА belsat.eu