У Беларусі ўсе ўстановы адукацыі працуюць у штатным рэжыме. Закрываць школы ў сувязі ў каронавірусам пакуль не плануецца, паведамляецца ў Telegram-канале Міністэрства адукацыі.
У Міністэрстве адукацыі адзначаюць, што ва ўстановах ведамства выконваюцца ўсе прафілактычныя захады і рэкамендацыі Міністэрства аховы здароўя.
«На гэты момант усе ўстановы адукацыі Беларусі працуюць у штатным рэжыме. Закрыццё школ у сувязі з каронавірусам пакуль не плануецца, а калі ўзнікне такая неабходнасць, то рашэнне будзе прымаць Міністэрства аховы здароўя», – распавялі ў ведамстве.
У Мінадукацыі нагадваюць, што з мэтай прафілактыкі неабходна выконваць правілы асабістай гігіены. А пры якіх-кольвек прыкметах захворвання неабходна выклікаць лекара або звяртацца да медыкаў.
Цяпер у Беларусі колькасць інфікаваных на каронавірус складае 12 асобаў. Пры гэтым медыкі адзначаюць, што трох пацыентаў выпішуць са стацыянару на гэтым тыдні.
Стан ва ўсіх інфікаваных здавальняючы, тэмпература ў іх нармальная і скаргаў фактычна няма. Каронавірус у Беларусі пакуль працякае ў лёгкай форме.
СК belsat.eu
