Канапацкая возьме ўдзел ва Усебеларускім народным сходзе

Фота: Вячаслаў Лазараў / Belsat.eu

Стала вядома, хто з прадстаўнікоў апазіцыі гатовы ўзяць удзел ва Усебеларускім народным сходзе.

Экс-дэпутатка Палаты прадстаўнікоў і экс-кандыдатка ў прэзідэнты Ганна Канапацкая паведаміла, што вылучаецца ў дэпутаты Усебеларускага народнага сходу, паведамляе «Еўрарадыё».

На сходзе яна «будзе прадстаўляць інтарэсы ўсёй канструктыўнай апазіцыі Беларусі».

Ганна Канапацкая адмаўляецца ад пікетаў і стварае ўласную партыю

Падчас прэзідэнцкіх выбараў Ганна Канапацкая адмовілася ад правядзення пікетаў. Пры гэтым яна актыўна крытыкавала іншых прэтэндэнтаў – спачатку Віктара Бабарыку, а пасля Святлану Ціханоўскую. Крытыкаваць яе яна працягвала ўжо і пасля 9 жніўня.

Усебеларускі народны сход, як заяўляецца, мае прайсці ў студзені або ў лютым 2020 года. На ім, сярод іншага, улады плануюць зацвердзіць змены ў Канстытуцыю.

МГ belsat.eu

Hавiны