Канапацкая паскардзілася ў Вярхоўны суд на датэрміновы роспуск парламенту


Былая дэпутатка Палаты прадстаўнікоў Беларусі Ганна Канапацкая вырашыла абскардзіць заўчаснае заканчэнне паўнамоцтваў ніжняй палаты беларускага парламенту.

Як адзначыла палітык у Facebook, скарачэнне рашэннем ЦВК законнага тэрміну паўнамоцтваў Палаты прадстаўнікоў 6-га склікання “дэлегітымізуе не толькі яе новы склад, але і робіць незаконнымі маючыя адбыцца змены ў Канстытуцыю Рэспублікі Беларусь і іншыя заканадаўчыя акты, якія плануецца разгледзець і прыняць гэтым складам”.

Непризнание демократическими институтами (Европарламентом, ПАСЕ, ОБСЕ) результатов проведенных в Республике Беларусь…

Opublikowany przez Анна Канопацкая Poniedziałek, 16 grudnia 2019

Паводле Ганны Канапацкай, такія дзеянні ЦВК “прывядуць у будучыні да фундаментальна- негатыўных наступстваў”.

У гэтай сувязі яна накіравала ў Вярхоўны суд скаргу на неправамерныя, на яе думку, дзеянні Цэнтральнай выбарчай камісіі. Таксама былая дэпутатка плануе накіраваць скаргу і ў Генеральную пракуратуру.

Hавiны
Канапацкая двойчы адмовілася ад прапановы Румаса працаваць ва ўрадзе
2019.12.02 11:57

Ганна Канапацкая падкрэсліла, што не мае асаблівых ілюзіяў адносна разгляду сваіх скаргаў, але лічыць “неабходным праінфармаваць пра гэта шырокую грамадскасць і дэмакратычныя інстытуты ў нашай краіне ды за яе межамі”.

МГ belsat.eu

Стужка навінаў