Камін і залаты ліфт: «Менскбуд» апублікаваў новыя фота пампезнага будынку Вярхоўнага суда
На сайце minskstroy.by з’явіліся фотаздымкі будынку Вярхоўнага суда, які неўзабаве пачне працаваць.
Паводле генпадрадчыка, цяпер у будынку вядзецца мантаж абсталявання і завозіцца мэбля.
«Вельмі хутка гэты будынак стане адміністратыўным. Плануецца, што ўжо ў сакавіку яго пачнуць абжываць служкі Феміды, прадстаўнікі суда ўжо праходзяць навучанне для працы з інтэлектуальнымі інфармацыйнымі сістэмамі», – гаворыцца ў паведамленні на minskstroy.by.
Усе фотаздымкі былі арублікаваныя яшчэ 20 лютага. Фота суправаджаюцца подпісам: «эстэтыка і гармонія ва ўсім».
Прыблізны кошт новага Вярхоўнага суда складае Br 166 млн. (амаль 6,5 новых верталётаў Аляксандра Лукашэнкі).
Раней «Белсат» ужо паведамляў пра частку коштаў, якія сталі вядомыя з тэндараў дзяржаўных закупаў.
Фота – minskstroy.by
ЮВ, belsat.eu
