Камер на выбарчых участках не будзе, нават за кошт грамадзянаў

Цэнтрвыбаркам заявіў, што прапанова ўсталёўкі камер на выбарчых участках за кошт беларусаў не адпавядае патрабаванням выбарчага заканадаўства, піша TUT.by.

З праектам ўсталёўкі відэакамер звярнуўся сябра ЦВК з правам дарадчага голасу Павел Дзік, які прадстаўляе інтарэсы кандыдаткі ў прэзідэнты Святланы Ціханоўскай. Паводле яго, ініцыятыва «Сумленныя людзі» прапрацавала як тэхнічныя, так і прававыя пытанні закупкі.

«Улічваючы аб’ём заказу, на прапанову адгукнуліся адразу некалькі кампаніяў, якія былі гатовыя працаваць разам», – адзначыў ён.

Паводле яго, закупленыя камеры адпавядалі б усім патрабаванням заканадаўства краіны. Імі планавалася абсталяваць пераважную большасць участкаў.

Але «ўсе чальцы выбарчай камісіі, азнаёміўшыся з прапанаваным вамі праектам пастановы, у якім прадугледжваецца наўпроставая відэа трансляцыя круглыя содні з участкаў галасавання і размяшчэнне ўласных відэакамер грамадзянаў паводле іх заявак, выказалі меркаванне аб неадпаведнасці праекту патрабаванням выбарчага заканадаўства і няяснасці парадку практычнай рэалізацыі прапановы», гаворыцца ў адказе за подпісам Лідзіі Ярмошынай.

У ЦВК таксама адзначылі, што Выбарчы кодэкс не дапускае прыцягнення тэхнічных сродкаў грамадзянаў для арганізацыі выбараў.

На выбарах некаторыя кабінкі падчас галасавання не будуць закрывацца шторкамі

Сёлета ЦВК увяла змены на некаторых участках: зараз кабінкі не будуць цалкам закрывацца шторкамі.

МГ belsat.eu

Hавiны