Каманда Зяленскага назвала Расею акупантам, які вядзе вайну супраць Украіны


На «Facebook’у» каманды будучага кіраўніка Украіны зʼявіўся афіцыйны каментар адносна рашэння Расеі спрасціць працэдуру выдачы пашпартоў жыхарам самаабвешчаных ЛНР і ДНР.

У апублікаванай заяве расейская ініцыятыва называецца «прызнаннем адказнасці» за акупацыю Данбасу.

«Указам аб выдачы расейскіх пашпартоў грамадзянам Украіны, якія знаходзяцца на часова непадкантрольных нашай краіне тэрыторыях, Расейская Федэрацыя прызнала сваю адказнасць у якасці дзяржавы-акупанта. Гэтыя дзеянні зʼяўляюцца яшчэ адным наглядным пацвярджэннем для сусветнай супольнасці сапраўднай ролі Расеі, як дзяржавы-агрэсара, якая вядзе супраць Украіны вайну», – гаворыцца ў заяве.

Указ аб спрашчэнні працэдуры выдачы расейскіх пашпартоў для жыхароў Данбасу 24 красавіка падпісаў прэзідэнт Расеі Уладзімір Пуцін.

Цяпер для атрымання грамадзянства Расеі жыхарам самаабвешчаных Данецкай і Луганскай народных рэспублік дастаткова падаць копію актуальнага пашпарту і заяву ў тэрытарыяльныя органы расейскага МУС.

Крэмль спрасціў атрыманне расейскіх пашпартоў для жыхароў ЛНР і ДНР

ЮВ belsat.eu

Глядзі таксама
Каментары