Дэмакратычную Беларусь можа чакаць бязвіз з Еўразвязам, паведаміў падчас прэс-канферэнцыі дарадца Святланы Ціханоўскай па эканоміцы Алесь Аляхновіч.
Каманда Святланы Ціханоўскай падвяла вынікі працы ў 2020 годзе падчас прэс-канферэнцыі, у якой узялі ўдзел апроч самой Святланы ейныя прадстаўнікі па самых розных пытаннях.
«Мы працуем не толькі над дапамогай беларускаму грамадству, не прызнаннем Лукашэнкі, але і над аднаўленнем справядлівасці», – паведаміла былая кандыдатка на прэзідэнта Беларусі.
Таксама Святлана падкрэсліла, што пачаўся працэс вяртання законнасці. Напрыклад, была заведзеная першая крымінальная справа за гвалт з боку сілавікоў у бок Максіма Харошына. Зараз кабінет Святланы намагаецца прызнання АМАП і ГУБАЗіК тэрарыстычнымі арганізацыямі.
Вось якія падзеі назвала галоўнымі сама Ціханоўская:
Дарадца Ціханоўскай у пытаннях эканомікі Алесь Аляхновіч прадставіў план дзеянняў, які складаецца з чатырох напрамкаў.
Дарадца Святланы Ціханоўскай ў міжнародных пытаннях Валер Кавалеўскі акрэсліў галоўныя дасягненні ў міжнароднай палітыцы.
Таксама на прэс-канферэнцыі ўзгадалі ціск на студэнтаў. Прадстаўніца ў пытаннях адукацыі Вольга Шпарага падкрэсліла, што зараз паводле крымінальных справаў праходзіць 20 прадстаўнікоў студэнтаў, у тым ліку і Алана Гебрымарыям.
Агулам у Беларусі было адлічана 131 чалавек, а яшчэ 399 студэнтаў затрымана. З рэпрэсіямі сутыкнуліся больш за 100 выкладчыкаў, а ў Бярозаўскім раёне звольнілі 4 дырэктары школ.
Анатоль Лябедзька паведаміў, што кабінет Ціханоўскай працуе над Канстытуцыйнай рэформаю.
Таксама каманда Святланы павіншавала беларусаў з Новым годам і паабяцала, што будзе прыкладаць усе намаганні для таго, каб новае кіраўніцтва ў Беларусі з’явілася як мага хутчэй.
КТ besat.eu