Лукашэнка ўзяў удзел у святкаванні Дня гораду – разам з сынам Мікалаем ён удзельнічаў у эстафеце на лыжаролерах і ролікавых каньках.
Кіраўнік дзяржавы заяўлены ў камандзе Нацыянальнага алімпійскага камітэта. У ёй таксама значыцца алімпійская чэмпіёнка Надзея Скардзіна, піша TUT.by.
У аматарскую каманду, акрамя малодшага сына Лукашэнкі, увайшлі яго прэс-сакратар Наталля Эйсмант, трэнер Міхаіл Захараў, форвард хакейнай каманды прэзідэнта і першы віцэ-прэзідэнт НАК Андрэй Асташэвіч.
Прысутнічалі на свяце каля Палаца спорту і кіраўнік Адміністрацыі прэзідэнта Наталля Качанава, старшыня Мінскага гарвыканкама Андрэй Шорац, намеснік кіраўніка адміністрацыі прэзідэнта Максім Рыжанкоў.
Спартыўнft свята працягвалася эстафетай сярод каманд сілавых структур і дзяржаўных органаў. Біятланістка Алена Зубрылава бегла за каманду КДБ. Сярод удзельнікаў таксама каманда МУС, Міністэрства абароны, Дзяржпагранкамітэта, Дзяржаўнага мытнага камітэта, 2 каманды ад МНС, каманда Міністэрства адукацыі.
У выніку перамагла каманда НАК – тая, дзе ўдзельнічаў Лукашэнка.
